भांगरभूंय | प्रतिनिधी
भांगरभूंय प्रतिनिधी
शिवोलेः गावस वाडो रिक्रिएशन सेंटरान सडयें- शिवोले हांगा आयोजीत केल्ले चलयांचे फुटबॉल सर्तींत हरमलच्या माऊंट कार्मेल पंगडान वस्तादपण मेळयलें. फायनलींत तांणी पणजेच्या टायटन पंगडाक हारयलें.
टायटन पंगडान खेळाच्या पयल्याच मिनटाक गोल करून आघाडी घेतली. ते उपांत माऊंट कार्मेलान एका फाटल्यान एक गोल करून 6-1 अशें जैत मेळयलें. सर्तींत वट्ट 6 पंगडांनी वांटो घेतिल्लो. जैतिवंत माऊंट कार्मेलाक शिवोलीची आमदार डिलायला लोबो हांचे हस्तुंकी रोख इनाम आनी करंड भेटयलो. ह्या वेळार सडयें पंचायतीचो आदलो सरपंच आनी सध्याचो पंच नीलेश वायंगणकार, शिवोले- मार्ना पंचायतीचो उपसरपंच विलियम फर्नांडीस हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
