भांगरभूंय | प्रतिनिधी
पणजी: पोरूं वर्सा 2021त गोंयांत फक्त 22 हजार 128 विदेशी पर्यटकांची नोंद जाल्या. हातूंत 14 मुखेल देशांतल्यान एकूय पर्यटक 2021 वर्सा गोंयांत आयले नात अशी म्हायती पर्यटन मंत्री रोहन खंवटे हांणी आमदार आलेक्स रेजिनाल्ड हांणी विचारिल्ल्या प्रस्नाक लेखी स्वरुपांत जाप दिली.
कोरोनाक लागून फाटल्या वर्सा संवसारांतल्या मुखेल 14 देशांतल्यान एकूय पर्यटन गोंयांत आयले नात हातूंत जपान, ब्राझील, स्विडन, दक्षीण आफ्रीका, डेनमार्क, ऑस्ट्रिया, हॉलंड, आयरलॅण्ड, बेल्जीयम, नोर्वे, न्युझिलॅण्ड, ग्रीस, लिथुनीनया, झेक प्रजासत्ताक अशा 14 मुखेल देशांतल्या पर्यटकांनी गोंयाक फाट दाखयली.
फाटल्या वर्सा फक्त 22 हजार 128 विदेशी पर्यटक गोंयांत आयले. हातूंत सगल्यांत चड पर्यटक इंग्लंड देशांतले आसात. इंग्लंड देशांतल्यान 2021 वर्सा 3 हजार 66 पर्यटक गोंयांत आयिल्ले. जाल्यार फाचे फाटोफाट अमेरिकेंतल्यान 2 हजार 29 पर्यटकांची नोंद 2021 वर्सा जाली. गोंयांत 2019 वर्सा 9 लाख 37 हजार 113 पर्यटक गोंयांत आयिल्ले. 2020 वर्सा 3 लाख 193 विदेशी पर्यटक गोंयांत आयिल्ले जाल्यार 2021 वर्सा फक्त 22 हजार 128 पर्यटकांची नोंद जाल्या. कोरोनाक लागून विदेशी संख्या उणावली.
2021 वर्सा आयिल्ले स मुखेल देशांतले पर्यटक
देश : पर्यटक
इंग्लड : 3166
अमेरिका : 2039
रशिया : 1308
जर्मनी : 652
फ्रान्स : 598
कझाकिस्तान : 398
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
