भांगरभूंय | प्रतिनिधी
पणजीः स्वातंत्र्य दिसा निमतान तोखणायेचे सेवे खातीर पुलीस, उजो पालोवपी, होमगार्ड आनी नागरी संरक्षण खात्यान गोंयच्या तीन अधिकाऱ्यांक वेगवेगळीं पदकां दिवपाची घोशणा केल्या. दक्षीण गोंय पुलीस अधीक्षक सुनीता सावंत हांकां गोंय पुलीस सेवेंत विशिश्ट सेवे खातीर राष्ट्रपती पदक (पीएसएम) मेळ्ळां. तशेंच उल्लेखनीय सेवे खातीर पुलीस हवालदार दामोदर मयेंकार हांकां जाल्यार उजो पालोवपी दळाचे सब ऑफिसर उल्हास गांवकार हांकां उत्कृश्ट सेवे खातीर राष्ट्रपती पदक जाहीर केलां. हीं पदकां केंद्रीय गृह मंत्रालयाने बुधवारा 14 ऑगस्टाक जाहीर केल्यात.पुलीस हवालदार दामोदर मयेंकार 7 एप्रील 1998 दिसा पुलीस हवालदार म्हणून पुलीस सेवेंत भरती जाले. 26 वर्सांच्या कार्यकाळांत ताणें वेगवेगळ्या पुलीस स्टेशनांनी काम केलें. 2015 वर्सा वास्को पुलीस स्टेशनांतल्या उषा नायक आनी नेहा नायक हांच्या दुडवांचो खून प्रकरण सोडोवपाक तांणी म्हत्वाचो वांटो घेतिल्लो. हाचे भायर लुटमार, चोरी, अपहरण आनी हेर गंभीर गुन्यांवांचीय चवकशी जाली. ताच्या कामगिरीची भोवमान करून ताका प्रमाणपत्र दिवन भोवमान केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
