भांगरभूंय | प्रतिनिधी
भांगरभूंय । प्रतिनिधी
पणजीः पेडणे तालुक्यांतल्या खिंड- मेरजे हांगच्या पोरूं नोव्हेंबर म्हयन्यांतल्या घुंवळी वखदां प्रकरणांत नार्कोटिक कंट्रोल ब्युरोच्या गोंय विभागान (एसीबी) म्हापशेंच्या उत्तर गोंय जिल्हो आनी सत्र न्यायालयांत आरोपपत्र दाखल केलां. पेडणे पुलिसांनी दिल्लीच्या इमान मोहम्मद हाचे सयत वंगळुरूच्या शबाब खान आनी नियाझुद्दीन कमलुद्दीन हांका घुंवळी वखदां सयत अटक करून चवकशे खातीर ताकां एनसीबीच्या सुवादीन केल्लें. चवकशे उपरांत ह्या तिगां सयत लकी शर्मा, कुणाल सोना आनी मोहम्मद सोहरब हांच्या आड आरोपपत्र सादर केलां.
पेडणे पुलिसांनी दुबावितां कडल्यान 3.45 लाखांचो 49.2 किलो गांजो, 15.7 ग्राम ऍक्टसी गुळयो आनी 19.10 ग्राम एमडीएमए जप्त केल्लो. पेडणेच्या पयलो वर्ग न्यायालयान ताका पुलीस कादय दिल्ली. ते सोपले उपरांत ते न्यायालयीन कादयेंत आशिल्ले. गोंय एनसीबीन चवकशी करतगीर घुंबळे वखदांचें व्हडलें रॅकेट सामकार आय़िल्लें. सोशन मीडियच्या माध्यमांतल्यान घुंवळी वखदां विकपाचें काम चलतालें. ह्या प्रकरणांत बंगळुरूंत लकी शर्मा हाका अटक केल्या उपरांत कुणाल सोनाक अटक केल्ली.. 10 जूनाक न्यायालयात हें घुंबळी वखदां प्रकरण सुनावणेक येतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
