भांगरभूंय | प्रतिनिधी
पोर्तुगालाचो स्टार क्रिस्तियानो रोनाल्डो आतां रोखडोच फुटबॉल मळार सगल्यांत चड वेतन घेवपी फुटबॉल खेळगडो थारुये. ही व्हड संद ताका सावदी अरेबियाच्या एका क्लबान दिल्या.
ताका सावदी अरेबियाच्या एका क्लबान कबलात करपाक थेट 2400 कोटींची ऑफर दिल्या. ही आतां मेरेनची ही सगल्यांत व्हडली ऑफर आसा अशें जाणकार मानतात. पूण, ही व्हड ऑफर दिवपी क्लबाचे नांव अजून मुखार येवंक ना.
मॅन्चॅस्टर युनायटेडाचो रोनाल्डो सध्या नव्या फुटबॉल क्लबा कडेन कबलात करपाक इत्सूक आसा. तो मॅन्चॅस्टर युनायटेड सोडपाच्या विचारांत आसा. ते खातीर तो सातत्यान क्लबाच्या सरावांत लेगीत येना. ताका लागून तो क्लब सोडटलो अशी चर्चा आसा. पूण, मॅन्चॅस्टर युनायटेडाचो प्रशिक्षक एरीक टेन हाणें ही वावडी आशिल्ल्याचें म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
