भांगरभूंय | प्रतिनिधी
पणजी : केंद्रीय येवजण्यांचे कार्यवाहेची स्थिती जाणून घेवपा खातीर मुख्यमंंत्री डॉ. प्रमोद सावंत हांंणी आयज बसका आपयल्या. मंत्रालयांत सकाळीं 10 वरांचेर ही बसका जातली अशी म्हायती गोपांनी दिली.
केंद्राच्यो कितल्यो येवजण्यो राज्यांत लागू जाल्यात, कितल्या जाणांंनी लाव घेतला, हाची म्हायती मुख्यमंंत्री जाणून घेतले. राज्य सरकारा कडल्यान केंद्रीय मंंत्रालयांं कडेन कितले प्रस्ताव सादर जाल्यात हाचो तपशील खात्यांंच्या सचिवांंक सादर करचो पडटलो. खात्यांंचे सचीव, मुखेल नगर नियोजक, मुखेल वनपाल हांंचे सयत हेर अधिकारी बसकेक हाजीर आसतले. शेती, नुस्तेमारी, शिक्षण, आदिवासी कल्याण, दूद उत्पादन, फलोत्पादन हांंतुत केंद्राच्यो बऱ्योच येवजण्यो आसात. फावो त्या प्रमाणांत राज्याक ह्या येवजण्यांचो लाव जाय ना, अशें मुख्यमंंत्री डॉ. प्रमोद सावंत हांंणी हाचे पयलीं स्पश्ट केल्लें. हे फाटभुंयेर आयज बसका जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
