भांगरभूंय | प्रतिनिधी
भांगरभूंय पत्रक
वास्कोः झुवारीनगरांतल्या एमईएस कॉलेजाची कॉमर्स फिस्ता 2022 ही कार्यावळ दोन वर्सां उपरांत जाली. कॉलेजाची आदली विद्यार्थिनी आनी गोंय प्रशासनांती अधिकारी नितल आमोणकार हांची दिवली पेटोवन तांचें उक्तावण केलें. ह्या वेळार कॉलेजाची प्राचार्य डॉ मानसी एम कामत, उपप्राचार्य डॉ आशिष एम जोशी, कॉलेजाच्या वापिज्य विभागाचे मुखेली डॉ चम्पा रामकृष्ण परब, गुणाजी केळुसकार आनी विद्यार्थी मंडळ अध्यक्ष स्नेहा केंक्रे माचयेर आशिल्लें.
कार्यावळींत वेगवेगळ्यो 15 सर्ती जाल्यो. विद्यार्थ्यांनी फूड स्टॉल घातिल्ले. सीए दीपा श्रीपती हेगडे, प्राचार्य, उप प्राचार्य आनी संयोजकाचे हस्तुकीं इनामां दिलीं. कॉमर्स फिस्तांत बीकॉम सेमेस्टर 4 डिव्हिजन बी पयलें इनाम मेळयलें. बीकॉम सेमेस्टर 6 डिव्हिजन ए दुसरें जाल्यार बीकॉम सेमेस्टर 6 डिव्हिजन बीन तिसरें इनाम मेळयलें. मिस्ट निओ नॉर्मलीस आनी मीस निओ नॉर्मलीस टायटल यश ज्ञानेश कर्प आनी इशिका रॉड्रिग्ज हांणी मेळयलें. विद्यार्थ्यांक वैयक्तीक ट्रॉफीस आनी प्रमाणपत्रां भेटयलीं. खालो ह्या फूड स्टॉलाक पयलें इनाम फावो जालें. कॉमर्स असोसिएशन गुणाजी केळुसकार आनी स्नेहा केंक्र हाचो तांणी कॉमर्स असोसिएशनाचो कार्यकाळ बरे तरेन पुराय केल्ले खातीर प्राचार्याचे हस्तुकीं तांचो भोवमान केलो. निधी एकठांय केल्ले खातीर बीकॉम सेमेस्टर 6च्या गोविंद नितीन ठाकूर हाचो भोवमान केलो.
कॉमर्स फिस्ता कार्यावळींत सुमार 816 विद्यार्थी वांटेंकार जाल्ले. मुख्य सोयरी सीए दीपा हेगडे हांणी विद्यार्थ्यांक शिक्षण आनी अवांतर गजाली हांचे मदीं समतोल राखपाचें आवाहन केलें. कॉमर्स फिस्ता येसस्वी केल्ले खातीर डॉ मनस्वी कामत हिणे विद्यार्थ्यांक परबीं भेटयलीं. फिस्ताची संयोजक डॉ चम्पा परब हिणे निमाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
