भांगरभूंय | प्रतिनिधी
वाळपय: सत्तरी म्हालांतल्या केरी पंचायत वाठारांतल्या घोटेली नंबर दोन हांगा राजेश बार्रा कुशीक आशिल्ल्या घराचेर पणसाचें झाड पडिल्ल्यान व्हड लुकसाण जावन, दुरगाचेंय लुकसाण जालां. उजो पालोवपी दळाच्या जवानांनी ताकतिकेन धांव घेवन हजारांनी रुपयांची मालमत्ता वाटावपाक येस मेळयलें.
ही घडणूक दनपारां 12 वरांच्या सुमाराक घडली. केरी पंचायत शेतांतल्या घोटेली हांगासरल्या राजेश बार्रा कुशीक आशिल्ल्या घराचेर पणसाचें झाड पडलें. हाका लागून घराच्या एका दर्शनी भागाचें लुकसाण जालें. तेच प्रमाण हें झाड घराच्या दुरगार पडिल्ल्यान दुरगाचेंय लुकसाण जालें.
हे विशींची खबर वाळपयच्या उजो पालोवपी दळाक मेळटकूच तांणी रोखडीच धांव घेवन घराचेर पडिल्लें झाड कुशीक काडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
