भांगरभूंय | प्रतिनिधी
हैदराबाद, खबरां संस्था: तेलंगणाच्या हैदराबाद शारांत एका चल्यान आपलेच आवयचो साडयेन गळो आवळून खून केलो. ही घडणूक सोमारा घडली. १८ वर्सांचो हो भुरगो पयशे मागपाक आवय कडेन (४२ वर्सां) गेल्लो अशें पुलिसांनी सांगलें.
तिणें पुताक पयशे दिवपाक न्हयकार दिले उपरांत तो भुरगो आवयक मारपाक लागलो. पयलीं ताणें आपल्या आवयचेर एका फाटल्यान एक थापटां मारलीं. उपरांत तिचे साडयेन आवयचो गळो आवळून खून केलो. गळो आवळटांच कांय खिणांत तिका मरण आयलें आनी ती जमनीर पडली. ह्या वेळार हाजीर आशिल्ल्या लोकांनी मोबायलाचेर व्हिडिओ काडले. मात त्या तरणाट्याक एकल्यानूय आडावपाचो यत्न करूंक ना.
सुगनामा अशें मरण आयिल्ले आवयचें नांव. रंगारेड्डी जिल्ह्यांतल्या केशमपेट, शादनगर हांगा ती आपलो पूत शिवकुमार हांचे वांगडा रावताली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
