भांगरभूंय | प्रतिनिधी
म्हापशें, प्रतिनिधी : म्हापशेंच्या सरकारी वसती घरांत रावपी एके १४ पिरायेच्या नेण्टे चलयेचें अपहरण जाल्लें. ह्या प्रकरणांत म्हापशें पुलिसांनी मध्यप्रदेशच्या अजय तायडे (२२) ह्या तरणाट्याक मुंबय अटक केली. २४ वरां भितर हे चलयेक त्या तरणाट्याचे तावडेंतल्यान पुलिसांनी सोडली.
हे विशीं चड म्हायती प्रमाण, म्हापशेंचे एके सरकारी वसणुकेंतल्यान एक नेण्टी चली बेपत्ता आशिल्ल्याची कागाळ म्हापशें पुलीस स्टेशनांत नोंद जाल्ली. आयतारा ७ जानेवारीक वसणुकेंतल्या वॉर्डनान ही कागाळ दिल्ली. ही चली म्हापश्यां मार्केटांत आयिल्ली. पूण वसणुकेंत परतूंक ना. ताका लागून तिचें अपहरण जाल्ल्याचें वॉर्डनान आपले कागाळींत नमूद केल्लें. पुलिसांनी अनवळखी आड अपहरणाचो गुन्यांव नोंद करून चवकशी करपाक सुरवात केल्ली. चवकशे वेळार हें चली एका तरणाट्या सयत मुंबय गेल्ल्याचें कळून आयलें. निमाणें नाबाडा पुलीस स्टेशनाचे हद्दींत तीं दोगांय आशिल्ल्याचें समजतांच म्हापशें पुलिसांनी नाबाड पुलिसांचे मजतीन त्या तरणाट्याक अटक केली आनी ते चलयेची सुटका केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
