भांगरभूंय | प्रतिनिधी
पणजी, प्रतिनिधी : घरनिर्माण आनी शार वेवहार मंत्रालया अंतर्गत येवजणे अंतर्गत गोंयांत 8020 घरगुती संडास बांदपाचें उद्दीश्ट आशिल्लें. तातूंतलीं 3800 बांदल्यांत. हे प्रमाण 47% जाता. शौचालया बांदपाचे 50 टक्के उद्दीश्ट पसून पुराय जावंक ना.
प्रधानमंत्री नरेंद्र मोदी हांणी 2 आॅक्टोबर 2014 दिसा स्वच्छ भारत अभियान सुरु केलें. हे मोहिमे खाला भौशीक तशेंच घरगुती शौचालया उबारपा पासत नितळसाणी खातीर येवजण्यो सुरु जाल्यो. हे येवजणे विशी लोकसभेंत सादर जाल्ले आंकडेवारींतल्यान ही म्हायती मेळ्ळ्या.
महाराष्ट्र, मध्य प्रदेश, कर्नाटक ह्या राज्यांनी चड शौचालयां बांदल्यात. येवजणे खाला 8020 शौचालयांचें उद्दीश्ट आसतना गोंयांत मात 3800 शौचालयांच बांदुन जाल्यांत. दिल्लीचे उद्दीष्ट 5000 शौचालयांचे आशिल्ले. दिल्लीत फकत 725 घरगुती शौचालया बांदल्यांत. उद्दीष्ट साध्य करपात दिल्लीचे प्रमाण सगल्यांत उणे आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
