भांगरभूंय | प्रतिनिधी
फोंडें पुलीस स्टेशनार कागाळ नोंद
फोंडें: फोंडें सावन बिजापूर वचपी कर्नाटक राज्य म्हामंडळाचे एसटी बशींतल्यान प्रवास करपी एके बायलेचें अदमाशेक साडेतीन लाख रुपया मोलाचें भांगर फारायिल्ल्याचो गुन्यांव फोंडें पुलिसांनी नोंद केला. ताचे पयलीं ते बायलेन रामनगर हांगा कागाळ दिल्ली.
मेळिल्ले म्हायती प्रमाण कांय दिसां पयलीं फोंडें सावन बिजापूरा वचपी महानंदा हे बायलेच्या बॅगांतल्यो भांगराच्यो वस्ती चोरयेक गेल्ल्यो. मोल्यां पावले उपरांत बॅगेंतलें भांगर फारायिल्ल्याचें उक्तडार आयले उपरांत रामनगर पुलिसांनी अनमोड घांटांत सगल्या प्रवाशांची तपासणी केल्ली. पूण ही चोरी फोंडें वाठारांत जाल्ल्याचो दुबाव आयिल्ल्यान बायलेन फोंडें पुलीस स्टेशनार कागाळ दिल्ली. फोंडें पुलीस ह्या प्रकरणाचो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
