भांगरभूंय | प्रतिनिधी
संभाजीनगर, खबरां संस्था: छत्रपती संभाजीनगरांतले (महाराष्ट्र) हँड ग्लावज करपी कंपनीक उजो लागलो. ह्या वेळार सगळे कामगार न्हिदिल्ले. ह्या उज्यांत ६ कामगार लासले. जाल्यार ४ कामगारांनी स्वताचो जीव वाटायलो.
वाळूज उद्देगीक वाठारांतल्या सनशायन एंटरप्रायज सी २१६ ह्या हँड ग्लावज करपी कंपनींत सुमार २० ते २५ कामगार काम करतात. १० कामगार कंपनींत रावतात. हे कामगार न्हिदिल्ले कडेन हो उजो लागलो. कांय न्हिदिल्ल्या कामगारांक उज्याचो धग लागिल्ल्यान जाग आयली. तेन्ना जीव वाटावपाक कांय जाणांनी थंयच्यान धांव मारली.
स कामगार हुलपले
कंपनीच्या भायर पडपी दारा कडेन उजो लागिल्ल्यान ह्या सय कामगारांक भायर सरप शक्य जावंक ना. पूण कांय कामगार पत्र्या वयल्यान एका झाडाचे मजतीन भायर आयले. मात भल्ला शेख, कौसर शेख, इक्बाल शेख, मगरुफ शेख आनी हेर दोग कामगारांक उज्यांत हुलपून मरण आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
