भांगरभूंय | प्रतिनिधी
नवी दिल्ली, खबरां संस्था ः आयआयटी बीएचयूच्या सामुहीक बलात्कार प्रकरणांत पुलिसांनी तिनूय दुबावितांक अटक केल्या. बलात्कार घडणुके उपरांत पुलिसांक 60 दिसांनी येश मेळ्ळां. हें प्रकरण दोन म्हयन्यां पयलीं गाजिल्लें. विद्यार्थ्यांनी बरेच दीस धरणें आंदोलनूय केल्लें. ह्या प्रकरणांत अटक केल्ल्या दुबावितांचीं नांवां अशीं- कुणाल पांडे, अभिषेक चौहान, सक्षम पटेल. हे सगले वाराणसींत रावपी.
2 नोव्हेंबराच्या मध्यान रातीं दोन चाकीवल्यान तीन तरणाटे आयआयटीच्या आवारांत भितर सरले. ते उपरांत ह्या तरणाट्यांनी बंदूक दाखोवन विद्यार्थिनीचेर लैंगीक अत्याचार केलो. तांणी तिका कपडे काडपाक सांगलें. कपडे काडपाचो व्हिडियो काडलो.
तिगूय कॅम्पसांत भितर सरले ती मोटारसायकल पुलिसांनी जप्त केल्या.
ही चली मध्यान रातीं देड वरांचेर न्यू गर्ल्स हॉस्टेलांतल्यान शतपावली करपाक भायर सरली. मागीर वाटेर तिका एक इश्टीण मेळ्ळी. ताचे वांगडा कांय अंतर चल्ली. त्याच वेळार तीन अज्ञात तरणाटे मोटारसायकलीन आयआयटी कॅम्पसांत भितर सरले. तांणी दोगांय विद्यार्थिनींक वेगळीं केली आनी एकलेचेर
पिस्तूल दाखोवन लिंगीक अत्याचार केले आनी ताचो एकल्यान व्हिडियो काडलो. तिचो फोन नंबरूय घेतलो. १० मिनटां हो प्रकार चलतालो. मागीर ते पळून गेले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
