शाळांनी चोरयो चालूच, दिवचले शांतादुर्गा स्कूलांत चोरी
भांगरभूंय | प्रतिनिधी
फाटल्या आठ दिसांत गोंयच्या तीन शाळांनी चोरी
पणजी : गोंयांत चोरयेच्यो घडणुको वाडतूच आसात. घरां फोडून चोरी करप, दुकानांनी चोरी करप, चलता चलतां चोरी करप हे तर सदांच घडटा. पूण आतां चोरांनी शाळांनी चोरी करप लेगीत सोडूंक ना. फाटल्या आठ दिसांत गोंयच्या तीन शाळांनी चोरयो जाल्यात.
दिवचलच्या श्री शांतादुर्गा हायस्कुलांत चोरी जाली. शाळेंत घूसून चोरांनी मुख्यध्यापकाच्या आलमारीचे ड्रॉवर फोडले. म्हायती मेळटाच पुलीस आनी वेवस्थापक घडणूक सुवातेर आयले. चोरयेचे कारण, कितें चोरले हांचो अजून अदमास ना. पुलीस फुडलो तपास करतात.
मजगतीं, शेनवारा कुडणेच्या महालक्ष्मी हायस्कुलांत चोरी जाल्ली जाल्यार सोमारा रातचें मोलेंच्या अभिनव विद्यामंदीर विद्यालयांत चोरांनी चोरी करपाचो यत्न केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
