भांगरभूंय | प्रतिनिधी
दोनूय जागे जिखपाच्या नियोजनाचेर भाजप बसकेत चर्चा
पणजी : येत्या लोकसभा वेंचणुकेत भाजपाचे दोनूय उमेदवार जानेवारीत थारतले. दोनुय मतदारसंघात पक्षाक व्हडलें जैत मेळोवपाचे नदरेतल्यान बसकेंत चर्चा जाली, अशी म्हायती आमदार मायकल लोबो हांणी दिली.
पणजेत आयज भाजप पदाधिकाऱ्यांची बसका जाली. मुख्यमंत्री डॉ. प्रमोद सावंत, प्रदेश भाजप अध्यक्ष सदानंद शेट तानावडे, आदले राज्यसभा खासदार विनय तेंडुलकार, भलायकी मंत्री विश्वजीत राणे, दिगंबर कामत, दामु नायक, मंत्री मॉविन गुदिन्हो , मंत्री आलेक्स सिक्वेरा हांणी हेर पदाधिकारी बसकेक हाजीर आशिल्ले.
लोकसभा वेंचणुकीत दोनूय जागे जिखपा खातीर कशे तरेन वावर करपाक जाय, ताची चर्चा जाली. उमेदवार थारावपाचो अधिकार राज्याचे समितीक ना. पक्षाचे संसदीय मंडळ उमेदवारांची घोशणा करतले, अशें प्रदेश अध्यक्ष सदानंद शेट तानावडे हांणी सांगलें. विधानसभा वेंचणुकेत पक्षाक मेळिल्ल्या येसा खातीर प्रधानमंत्री नरेंद्र मोदी हांकां परबी दिवपी थाराव बसकेत संमत जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
