गोंयच्या देवळांनी 1 जानेवारी सावन ड्रेस कोड लागू
भांगरभूंय | प्रतिनिधी
पणजी ः गोंय हे एक फामाद पर्यटन स्थळ आसा. गोंयचे दर्यादेगांक पर्यटक जशें पसंती दितात तशेंच गोंयच्या देवळांकय दितात. गोंयात जायती फामाद देवळां आसात. पर्यटक जेन्ना देवळांक भेट दितात तेन्ना तांका कसले कपडें घातल्यात हाचें भान नासता. हेर राज्यांतल्या जायत्या देवळांनी ड्रेस कोड लागू केल्ले आसात. तशेंच आतां गोंयच्याय देवळांनी ड्रेस कोड लागू करतलें.
1 जानेवारी 2024 सावन गोंयांतल्या देवळांक भेट दिवपी भक्तांक ड्रेस कोड लागू जातलें. नेम मोडप्यां आड खर कारवाय करतले. देवळां फॅशन शो करपाची सुवात न्हय, पर्यटक कसलेय कपडे घालून येतात. हाका लागून देवळाची प्रतिश्ठा नश्ट जाता. देखूनच देवळांत येवप्यांक आतां ड्रेस कोड लागू केलां अशें गोंयच्या देवूळ वेवस्थापकांनी सांगलां.
बंदी आशिल्ले कपडे घालून देवळांत येवपी लोकांक देवूळ समिती एक ड्रेस दितले अशें देवूळ वेवस्थापकांनी सांगलें. लोक अयोग्य कपडे घालून येतात, जाका लागून हेर भक्तांक कशेंशेंच दिसता. देखून आतां 1 जानेवारी सावन ड्रेस कोड लागू केला. हे खातीर अधिसुचोवणीय जारी केल्या. तशेंच देवळाच्या वाठारांत फलक लायल्यात. ह्या निर्णयाक जायत्या जाणांनी पसंतीय दिला.
10 वर्सां सकयल्या भुरग्यां खातीर सवलत
10 वर्सां सकयल्या भुरग्यां खातीर ड्रेस कोड आसचो ना, पूण 10 वर्सां वयर भुरग्यां खातीर तशेंच तरणाटे आनी जाण्ट्यां खातीर ड्रेस कोड आसतलो आनी देवळाचे नेम पाळप सक्तीचें आसा अशें देवूळ वेवस्थापकांनी सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
