भांगरभूंय | प्रतिनिधी
अंदुं 26 उद्देग बंद पडले
पणजी, प्रतिनिधी : फाटल्या 4 वर्सांत राज्यांतले 51 ल्हान आनी मध्यम उद्देग बंद पडल्या. ते बंद पडिल्ल्यान तांचे उद्यम नोंदणी नंबर रद्द जाल्यात. फाटल्या 4 वर्सांत पुराय देशात 32,754 ल्हान आनी मध्यम उद्देग बंद जाल्या.
लोकसभेतल्या प्रस्नोत्तरातल्यान ही म्हायती मेळ्या. देशातल्या ल्हान, मध्यम तशेच हेर उद्देगांक उद्मम पोर्टलाचेर नोंदणी करची पडटा. ही नोंदणी केले उपरांत तांका रिण तशेच हेर येवजणेंचो लाव घेवप शक्य जाता. एखादो उद्देग बंद पडलो अशी म्हायती उद्देग मंत्रालयाक कळ्ळे उपरांत संबंधीत उद्देगाची उद्यम नोंदणी रद्द जाता. 1 जुलय 2020 ते 15 डिसेंबर 2023 मेरेन गोयांतले 51 उद्देग बंद पडल्या. अंदु म्हंजे 2023- 2024 वर्सा 26 उद्देग बंद पडल्या. फाटले चार वर्सांचो विचार केलो जाल्यार अर्द्या परस चड उद्देग 2023 – 2024 वर्सा बंद पडल्यात.
2020 – 21 वर्सा राज्यांतले 3 उद्देग बंद पडले. 2021 – 22 वर्सा 5 उद्देग बंद पडले. उपरांत 2022 – 2023 वर्सा 17 उद्देग बंद पडले. अंदु 26 उद्देग बंद पडल्यात. वर्सा गणीक बंद पडपी उद्देगांचो आंकडो वाडत गेला. उद्देग बंद पडपाच्या कारणा विशीं मात केंद्रीय उद्देग राज्य मंत्री भानुप्रतापसिंग वर्मा हांणी कसलीच म्हायती दिवंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
