बांबोळे म्हामार्गाचेर अपघात, पंचनामो करतना पुलिसांच्याय गाडयेक अपघात
भांगरभूंय | प्रतिनिधी
पणजी ः बांबोळे म्हामार्गाचेर मंगळारा सकाळीं मिनी पिकअप आनी गाडये मदीं अपघात जालो. ह्या अपघातांत माल येरादारी गाडयेन एके इलेक्ट्रीक गाडयेक धपको दिलो. माल व्हरपी गाडयेचो फुडलो भाग आनी इलेक्ट्रीक गाडयेचो फाटलो भाग इबाडला. म्हाल व्हरपी गाडी पणजे वटेन वताली. अपघाता उपरांत आगशी पुलिसांक म्हायती दिली. पुलीस थंय येवन पंचनामो करतनाच वेगान वचपी स्कोडा मोटारीन पुलिसांचे गाडयेक धपको दिलो. हांतूत पुलिसांच्या गाडयेचे लुकसाण जालें.
जखमींक उपचारा खातीर हॉस्पिटलांत दाखल केल्यात. ह्या चारुय गाडयांचें लुकसाण जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
