मालप्यां पालसणां कोसळप चालूच
भांगरभूंय | प्रतिनिधी
पेडणें: पेडण्यां महामार्ग 66 चेर मालपें बायपास रस्तो करताना फाटल्या पंदरा दिसां सावन पालसणां कोसळप चालूच आसा. हांगा जी राखणे वणट बांदपाक घेतल्या तिचेरूय पालसण कोसळत आसा.
हो रस्तो आजून उक्तो जावंक ना. पूण ह्या रस्त्याचें डांबरीकरण पुरायेन जाल्लें. राखणे वणत बांदचे पयलींच ह्या रस्त्याचें काम हातांत घेतलें. हो दोंगर सरळ उबो कापला. जर तो आडवो कापिल्लो जाल्ल्या अशे व्हडा प्रमाणांत पालसणां कोसळचीं नासलीं. बरेच व्हड फातर आनी माती आयिल्ल्यान पुराय रस्त्यार चिखल जाला.
हांगा उबारतले ते राखणे वणटीक फुडाराक धोको आसा. हाचे कडेन सरकारान लक्ष दिवपाची गरज आसा. राष्ट्रीय महामार्ग 66 पत्रादेवी ते धारगळ महाखाजान मेरेनच्या रस्त्याचें काम एम व्ही आर ह्या कंत्राटदाराक मेळ्ळां. ह्या रस्त्याचें काम सुरू जाल्ल्याक खुबशे फावट हांगच्या लोकांनी कंत्राटदारा आड पुलिशेंत कागाळूय केल्या. सरकाराक निवेदनूय धाडलां, पूण आजूनय हाचेर कोणेंच पावल पसून उबारूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
