भांगरभूंय | प्रतिनिधी
भांगरभूंय। खबरां संस्था
नवी दिल्ली : तंत्रज्ञानाची उदरगत जायत चल्ल्या. तसो सायबर गुन्यांवांचोय धोको दिसान दीस वाडतूच आसा. तशेंच सायबर गुन्यांवांक बळी पडपी लोकांचोय आंकडो वाडतूच आसा. तुमी हांतूंतल्यान कशी वाटावपाक शकतात हें तुमकां खबर आसा?
हांगा थंय कागाळ करचे परस योग्य सुवातेर कागाळ करप गरजेचें. जाका लागून तुमकां रोखडीच मजत करप शक्य जातलें. सायबर गुन्यांवांक आडावपा खातीर आनी बळी पडपी लोकांक मजत करपा खातीर सरकारान हेल्पलायन नंबर उपलब्ध करून दिला. तुमी खंय अहवाल दिवंक शकतात आनी खंयच्या पुलीस स्टेशनाचेर अहवाल दिवंक शकतात तें हांगा सोदून काडात.
ऑनलाइन पोर्टल
हाचे खातीर पयलीं ऑनलायन राष्ट्रीय सायबर गुन्यांव अहवाल पोर्टल www.cybercrime.gov.in चेर वचात. ह्या प्लॅटफॉर्माचेर तुमी सायबर गुन्यांव संबंदीत कागाळ दाखल करूंक शकतात. हॅकींग, ऑनलायन घोटाळे, वळख चोरी विशीं आनी सायबर गुंडगिरी अशे जायते सायबर गुन्यांव ह्या पोर्टलाचेर कळोवपाक मेळटात.
पुलीस स्टेशनार करूं येता कागाळ
तुमी तुमच्या लागींच्या थळाव्या पुलीस स्टेशनाचेर वचून कागाळ दाखल करूंक शकतात. उपरांत, पुलीस तुमकां तुमच्या वाठारांतल्या सायबर गुन्यांव युनिटां विशीं मार्गदर्शन करतले. अशीं प्रकरणां कळोवप खूब म्हत्वाचें हें लक्षांत दवरात, अशी केस तुमचे विशीं घडली जाल्यार ऑनलायन कागाळ करून ती थळाव्या पुलीस स्टेशनांत वचून नक्कीच कळोवची.
हेल्पलायन क्रमांक
हेल्पलायन क्रमांकाचेर उलयतना 1930 हो सायबर गुन्यांव प्रकरणांची म्हायती दिवपा खातीर टोल फ्री हेल्पलायन क्रमांक आसा. तुमच्या मदती खातीर हो हेल्पलायन क्रमांक 24×7 उपलब्ध आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
