भांगरभूंय | प्रतिनिधी
इस्रायल ः इस्रायलांत गाडयेन धपको दिल्ल्यान 12 वर्सां पिरायेच्या भुरग्याची तकली माने कडल्यान वेगळी जाल्ली. जी शस्त्रक्रिये उपरांत परतून जोडली.
‘द टाइम्स ऑफ इस्रायलां’तल्या एके बातमे प्रमाण अपघाता उपरांत ह्या भुरग्याची तकली माने कडल्यान अर्दवट कापिल्ली. हे स्थितीक शास्त्रीय नदरेन ‘दोट्टी अटलांटो ओसीपीटल’ अशें म्हण्टात. अशे परिस्थितींत दुयेंतीचो जीव वाटावप सामकें कठीण. अपघाता उपरांत भुरग्याक विमानांतल्यान हाडासाह वैजकी सेंटरांत व्हेलो. जंय ताका आपत्कालीन शस्त्रक्रिया करपाक दाखल केलो. भुरग्याची तकली गळ्या पसून पुरायपणान वेगळी जाल्ली. पूण दोतोरान ही शस्त्रक्रिया येसस्वी करून भुरग्याक नवी जीण दिली. अश्या प्रकारच्यो शस्त्रक्रिया खातीर विशेश तज्ञ दोतोराची गरज आसता.
दोतोरांच्या मतान ही सामान्य शस्त्रक्रिया न्हय. खास करून भुरग्यां खातीर आनी किशोरवयीन भुरग्यां खातीर. हें करपाक दोतोराक गिन्यान आनी अणभव जाय पडटा. अशा वेळार दुयेंतीचो जीव वाटावप लेगीत एक आव्हान आसता, पूण दोतोराच्या अणभवाच्या आदारान आनी प्रगत तंत्रगिन्यानाच्या आदारान हें शक्य जालें.
ह्या अपघाता उपरांत आपल्या भुरग्याची जियेवपाची आस्त उणी आशिल्ली अशें त्या भुरग्याच्या बापायन सांगलें. ते उपरांत लेगीत दोतोरांनी ताका नवी जीण दिली. ट्रॉमा आणि ऑर्थोपेडिक्स पंगडाच्या आदारान हें शक्य जालें. ताणें आपल्या पुताक वाचयल्ल्या खातीर हॉस्पिटलाच्या कर्मचाऱ्यांचे उपकार मानल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
