भांगरभूंय | प्रतिनिधी
मुंबय : खडवली- ठाणें लागसार वेगान येवपी एका कंटेनरान टॅक्सीक धपको दिल्ल्यान 6 विद्यार्थ्यांक मरण आयलें. जाल्यार 6 जाण जखमी जाल्यात. आयज सकाळीं 8 वरांचेर हो अपघात घडलो.
पडघे- ठाणेंच्यान कांय विद्यार्थी टॅक्सींतल्यान रेल्वे स्टेशना वटेन वताले. खडवली फाट्या लागसार कंटेनरान तांचे टॅक्सीक धपको दिलो. हातूंत 6 विद्यार्थ्यांक जाग्यारूच मरण आयलें. लोकांनी जखमींक लागींच्या हॉस्पिटलांत व्हेले.
हे विद्यार्थी रेल्वेंतल्यान वचपाचे आशिल्ले. रेल्वे चुकची न्हय देखून टॅक्सी चालकाक तांणी वेगान गाडी चलोवपाक सांगिल्लें. वाटेर तांकां अपघात जालो. हो अपघात इतलो भिरांकूळ आशिल्लो, की धपको बसले उपरांत टॅक्सी 60 फूट पयस झरकटत गेली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
