स्कुटर स्टंट केल्यान एकल्याक अटक
भांगरभूंय | प्रतिनिधी
म्हापशें ः म्हापश्यां स्कुटर घेवन स्टंट केल्ल्यान म्हापश्यां पुलिसांनी यासीन मुल्ला (20) हाका अटक केलां. चल्या कडेन परवानो नासतना स्कुटर चलोवंक दिल्ल्यान बापूय अब्दुल मुल्लाकय (डांगी कॉलनी) अटक केल्या. फाटल्या वर्सा 7 नोव्हेंबराक हो प्रकार घडिल्लो. हो व्हिडियो आयतारा 16 जून दिसा सोशल मिडियाचेर व्हायरल जालो.
पुलिसांनी कारवाय करून दुबावीत स्कुटर चालोवपी यासीन आनी स्कुटर मालक अब्दुलाक अटक केली. भा. दं. सं.च्या २७९, ३३६ मोटार वाहन कायदो कलम क्रमांक ३, १२९, १७७, १८४, १९२ खाला तांच्या आड गुन्यांव नोंद केलां. मजगतीं, 18 मे 2023 दिसा अशाच प्रकारच्या स्टंटांत दुबावीत यासीन मुल्लाक म्हापश्यां पुलिसांनी अटक केल्ली. ह्या संबंदीत फुडली चवकशी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
