भांगरभूंय | प्रतिनिधी
एकल्याक आयलें मरण: इश्टांचेर दुबाव
भांगरभूंय । खबरां संस्था
बिहार: बिहारांतल्या गोपालगंजच्या सिहोरवा गांवांत एक धक्को दिवपा सारकी गजाल घडली. हांगच्या एका तरणाट्याक एका फाटल्यान एक मोमोज खाल्ल्यान मरण आयलें. ह्या तरणाट्याचें नांव विपीन कुमार पासवान (25) अशें आसा.
विपिनाचे बापूय विशुन मांझी हांच्या म्हणण्या प्रमाण बिरेस्तारा दोग जाण विपिनाक आपले वांगडा घेवन गेल्ले. दुसर्या दिसा म्हळ्यार शुक्रारा विपिनाची कूड रस्त्याचे कुशीक पडिल्ली दिसली. ताचे उपरांत पुलिसांक हे घडणुकेची म्हायती दिली. विपिनाच्या इश्टानींच ताचो घात केल्ल्याचो आरोप विपिनाच्या बापायन केलो.
मोमोज खावपाचे चॅलेंजीक लागून मरण
विपिनाच्या इश्टांनी ताका मोमोज खावपाची चॅलेंज दिल्ली. दिल्ली चॅलेंज जिखपा खातीर विपिनान वट्ट 150 मोमोज खाल्ल्याचो दावो कांय जाण करतात. तशेंच चड मोमोज खाल्ल्यान विपिनाक मरण आयलां अशें कांय लोक म्हणटात.
पोस्टमॉर्टमा उपरांत पुलिसांनी विपिनाची कूड ताच्या कुटुंबाचे सुवादीन केली.
मोमोज चाबून खावप गरजेचें
मोमोज चाबून खावप गरजेचें. जर ते योग्य तरेन चाबून खावंक ना जाल्यार मनशाक मरण येवपाक शकता. मोमज मैद्या पसून तयार करतात. ताका लागून ते योग्य तरेन चाबून खावंक ना जाल्यार गळ्याक अडखळून मरण येवपाची शक्यताय आसा, अशें डॉक्टरांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
