कुडचड्यां अपघातांत एकट्याक मरण
भांगरभूंय | प्रतिनिधी
कुडचडें: रवींद्र भवन, कुडचडें हांगा शेनवारा रातचें दोन मोटार सायकली मदीं अपघात जावन मनोज सुरत (32, कट्टा, आमोणें) हाका जाग्यारूच मरण आयलें. जाल्यार ह्या अपघातांत आनीक दोग जाण जखमी जाल्यात. जखमी जाल्ल्या हेर दोगांकूय कुडचडेंच्या हॉस्पिटलांत दाखल केल्यात.
पुलिसांनी दिल्ले म्हायती प्रमाण, दोनूय दोन चाकी गाडयो एकामेकांक आपटून हो अपघात जालो. हातूंत मनोज सुतार हाका जाग्यारूच मरण आयलें. हेर दोग जखमी जाल्ल्यान तांकां कुडचडें भलायकी केंद्रांत व्हेले. ताचे उपरांत रोखडेच तांकां कुडचडेंच्या मुळाव्या हॉस्पिटलांत फुडल्या उपचारा खातीर दाखल केले. मनोज सुतार हाची कूड पोस्टमार्टेमा खातीर मडगांवां जिल्हो हॉस्पिटलांत व्हेल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
