राज्यांत दोन सुवातांचेर नगराध्यक्षांची विरोधा विणें नेमणूक
भांगरभूंय | प्रतिनिधी
काकोडें प्रदीप नायक, जाल्यार मुरगांवां गिरीश बोरकार
पणजी: राज्यांत आयज दोन सुवातांचेर नगराध्यक्षांची विरोधा विणें नेमणूक जाली. कुडचडें, काकोडें हांगा प्रदीप नायक, जाल्यार मुरगांव नगरपालिकेच्या नगराध्यक्ष पदार गिरीश बोरकार हांची नेमणूक जाली.
गिरीश बोरकार हांकां परबीं भेटयल्या उपरांत आमदार कृष्णा साळकार, मुख्याधिकारी जयंत तारी आनी हेर.
नगराध्यक्ष प्रदीप नायक हांचे वांगडा मंत्री निलेश काब्राल.
गिरीश बोरकार हांची भेट घेवन आमदार कृष्णा साळकार, मुख्याधिकारी जयंत तारी, उपनगराध्यक्ष रामचंद्र कामत आनी हेर नगरसेवकांनी परबीं भेटयलीं. तशेंच प्रदीप नायक हांकां मंत्री निलेश काब्राल आनी हेर बरें मागप्यांनी भेट घेवन परबीं भेटयलीं.
मुरगांव, वास्को आनी दाबोळेची उदरगत करप हें म्हजें पयलें कर्तव्य आनी हातूंत कसलेच तरेचो भेदभाव जावचो ना. मुरगांव म्हालाचे मंत्री मावीन गुदिन्हो, वास्कोचे आमदार कृष्णा साळकार, मुरगांवचे आमदार संकल्प आमोणकार आनी आदले मंत्री मिलींद नायक हांचें आपल्याक पुरायेन फाटबळ आशिल्ल्यान आपल्याची नगराध्यक्षपदार नेमणूक जाली. तशेंच मुख्यमंत्री डॉ. प्रमोद सावंत, नगरविकास मंत्री विश्वजीत राणे आनी राज्य भाजप प्रदेशाध्यक्ष सदानंद शेट तानावडे हांचें फाटबळ लाभिल्ल्यान मुरगांव नगरपालिकेची उदरगत आपूण नेटान करतलों अशें आश्वासन नगराध्यक्ष पदार वेंचून आयल्या उपरांत गिरीश बोरकार हांणी दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
