कोरगांव रस्त्या कुशीक कोयरुच कोयर
भांगरभूंय | प्रतिनिधी
पेडणें ः राज्यांत तशेंच पेडणे तालुक्यांत कोयराची समस्या दिसानदीस वाडत आसा. देवसू, कोरगांव आनी भालखाजन रस्त्यार लोक घरगुती ओलो कोयर रस्त्या कुशीक उडोवपाक लागल्यात. कितेंय केले तरी ही कोयराची समस्या सुटना. पर्यटक तशेंच थळावे लोक रातच्या वेळार रस्त्या कुशीक कोयर उडयतात. आनी ह्या कोयराक लागून रस्ताद जनावरां जेवणा खातीर हे सुवातेर आकर्शीत जातात. ती येवन रस्त्या मदीं रावतात आनी हाचो त्रास वाहन चालकांक जाता. आतां शेतांनी जमनींत कोयर उडोवपाक लागल्यात आनी नांगरतना शेतकारांक ताचो त्रास जावपाक लागला. जायते फावटीं सांगून लेगीत हे गजाली कडेन दुर्लक्ष जाता. थळावी पंचायत खर कारवाय कित्याक करीना असो प्रस्न नागरिकांनी उपस्थित केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
