भांगरभूंय | प्रतिनिधी
पणजी : फुडाराक उदकाचो उणाव जावपाक जाय ना, म्हूण न्हंंयांचेर 100 बांद बांंदपाची येवजण आसा. सगळे बांद मे 2024 मेरेन पुराय जातले, अशें उदका पुरवण खात्याचे मंंत्री सुभाष शिरोडकार हांंणी सांंगलें. 100 बांदांतल्यान 20 बांदांचें काम सुरू जालां, अशी म्हायती तांंणी दिली. मजगतीं, अंंजुणें सोडून राज्यांतल्या सगल्या धरणांंनी 60 टक्क्यांं परस चड उदक भरलां.
पावस आसलो तरी काय कडेन उदकाचो उणाव आसा. उदक नाशिल्ल्याच्यो कागाळी लोक अदींमदीं करीत आसतात. उदकाची पुरवण करपाची जापसालदारी भौशीक बांंदकाम खात्याची. हें खातें म्हजें कडेन ना. उदक उपलब्ध करपाची जापसालदारी उदका पुरवण खात्याची. पावसाक लागून सगल्या धरणांंनी उदक भरलां. हाका लागून उदकाचो उणाव ना, अशें शिरोडकार हांंणी सांंगलें. उदक लोकांं मेरेन पावना, ताचीं कारणांं वेगळीं आसात.
पावस उणो पडलो तरी उदकाचो उणाव जावपाक जाय ना. हाचे खातीर खात्याची तयारी सुरू आसा. विवीध वाठारांंनी 100 बांद बांदपाची येवजण आसा. हे बांद जाले उपरांत सगली कडेन उदक उपलब्ध जातले, अशें तांंणी सांंगलें.
अंंदूं जूनांत सुरवातीक पावस सामको उणो पडलो. हाका लागून अंंजुणें धरणांतलें उदक आटलें. तिळारी धरणांतलें उदक अस्नोड्यां पायपलायनी वरवीं अंंजुणें धरणांत सोडपाची येवजण आसली. तिळारीचें उदक आमठाणें बंंदाऱ्यांत सोडचें. आमठाणें सावन पायप लायनी वरवीं उदक अंंजुणें धरणांत सोडपाची तयारी आसली. पावस पडिल्ल्यान अंंजुणें धरणांत उदक भरला. हाका लागून तिळारीचें उदक अंंजुणें धरणांत सोडपाची गरज पडूंक ना, अशें मंंत्री शिरोडकार हांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
