व्हॉट्सअॅप वरवीं संदेश एडिट करपाचें खाशेलपण
भांगरभूंय | प्रतिनिधी
ते खातीर 15 मिनटाची वेळ मर्यादा
भांगरभूंय । खबरां संस्था
नवी दिल्ली : व्हॉट्सअॅप हो एक खाशेलो सोशल मिडिया प्लॅटफॉर्म. हाचे वरवीं आमी एकामेकां कडेन संवाद सादपाक शकतात. तातूंत फोटो, व्हिडियो शेअर करप, स्टेटस दवरप, व्हिडियो आनी व्हॉयस कॉल अशीं जायतीं खाशेलपणां आसात. तशेंच कंपनी आपल्या वापरप्यां खातीर जायतीं नवीं खाशेलपणां सुरू करपाक लागल्या. आतां वापरप्यां खातीर चॅट लॉक आनी एका परस चड फोनाचेर खाते लॉग इन करपाक मेळटा. तशेंच तातूंत संदेश संपादीत करपाक मेळटा.
एडिट बटणाक लागून वापरप्यांक तांचे संदेश संपादीत करपाक मेळटा. पूण ते खातीर 15 मिनटांच वेळ दिला. हें खाशेलपण सगळ्यां खातीर उपलब्ध आसा. एडिटेड मेसेज खाशेलपण मेळोवपाक तुमका पयलीं व्हॉट्सअॅप अपडेट करचो पडटलो. तें आयओएस (iOS)आनी ड्रॉइड (Android)वापरप्यां खातीर उपलब्ध आसा. संदेश पुरायपणान डिलीट करचे परस ते एडिट करपाक मेळप चड बरें.
१. सगळ्यांत पयलीं व्हॉट्सअॅप उगडचो पडटलो.
२. ते उपरांत खंयच्याय एका चॅटाचेर क्लिक करुन तो उगडा.
३. तुमका खंयचो संदेश एडिट करपाक जाय ताचेर प्रेस करुन धरात.
४. वयर 3 टिंब आसा ताचेर क्लिक करुन एडिट पर्यायाचेर क्लिक करात. थंय तुमका संदेश एडिट करपाक मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
