भांगरभूंय | प्रतिनिधी
पणजी: हालींसराक पावसान बरोच नेट धरला. ताका लागून राज्यांत धरणांच्या उदकाची पातळी बरीच नेटान वाडपाक लागल्या.
जलस्रोत खात्यान शुक्रारा जारी केल्ल्या आंकडेवारी प्रमाण साळावलेचें धरण 46.9 टक्के, अंजुणें धरण 10.2 टक्के, आमठाणें धरण 58.7 टक्के, पंचवाडी 42.2 टक्के, चापोली 50.4 टक्के जाल्यार गावणें धरण 60.7 टक्के भरलां.
राज्यांत उदकाचो उणाव बरोच जाणवतालो. शसेगीत पडपी पावसाक लागून राज्यांतलीं धरणां भरिल्ल्यान हो प्रस्न सुट्टलो अशें जाणवपाक लागलां. 15 जूनाक साळावले धरणांत 29.18 मिटर उंचाये मेरेन उदकाची पातळी आशिल्ली. फकत 21 टक्के उदकाचो सांठो उरिल्लो. फाटल्या वर्सा 15 जून मेरेन ह्या धरणांत सुमार 32.62 मिटर उंचाये मेरेन उदकाचो सांठो आशिल्लो. ताका लागून उदकाचो उणाव जाणवतालो. शुक्रारा ह्या धरणांत 46.9 टक्के उदक भरलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
