भांगरभूंय | प्रतिनिधी
वास्को: उपासनगर-सांकवाळ मार्गाचेर सकाळीं पालसण कोसळिल्ल्यान येरादारीक आडखळ निर्माण जाली. आमदार आंतोन वास हांणी रोखडीच दखल घेवन संबंदीतांक सुचवण्यो केल्यो. जेसीबीचे मजतीन थंयच्यान माती, गुंडे काडले. हांगा राखणे वणटीची गरज आशिल्ल्याचें थळाव्या पंचान सांगलें.
उपासनगर- सांकवाळच्या रस्त्या वयल्यान वाहनांचें यो- वच चालूच आसता. पालसण कोसळ्ळी तेन्ना ह्या रस्त्यार कोणूच नाशिल्ले. ही म्हायती समाजीक कार्यकर्ते एडी फर्नांडीस हांकां मेळटांच तांणी आमदार वास हांकां कळयलें. उपरांत आमदारान थंय वचून पळोवणी केली आनी रोखडीच ती सुवात नितळ करपाक लायली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
