भांगरभूंय | प्रतिनिधी
अमेरिका : अमेरिका संवसारांतलो सगळ्यांत बळिश्ट देश. ताका ‘म्हासत्ता देश’ अशेंय म्हणटात. पूण अमेरिकेचेरूय ब्रिटीशांची सत्ता आशिल्ली. भारतां वरींच ह्या देशांतले जनतेचेर ब्रिटिशांनी अत्त्याचार केले. बर्याच व्हड झुजा उपरांत अमेरिकेन 4 जुलय 1776 दिसा ब्रिटिशां कडल्यान सुटका मेळयली.
दर वर्सा अमेरिका 4 जुलयाक स्वातंत्र्य दीस मनयता. अंदूं अमेरिकेन 247 वो स्वातंत्र्य दीस मनयलो.
अमेरिकेचो ‘स्टॅच्यू ऑफ लिबर्टी’ फामाद आसा. संवसारीक दायजां मदलो हो एक. हो पुतळा अमेरिकेच्या स्वातंत्र्याचें प्रतीक.
4 जुलयाक फ्रान्सान अमेरिकेक हो पुतळो दिल्लो. तो तयार करपाचें काम अमेरिका आनी फ्रान्स ह्या दोनूय देशांनी मेळून केलां. ह्या पुतळ्याचो सकयलो भाग अमेरिकेन जाल्यार वयलो भाग फ्रान्सान तयार केल्लो.
4 जुलय 1776 ह्या दिसा फ्रान्सान अमेरिकेक स्टॅच्यू ऑफ लिबर्टी भेट दिल्ली. न्युयॉर्कांत आशिल्लो ’द स्टॅच्यू ऑफ लिबर्टी’ हो पुतळो स्वातंत्र्य आनी इश्टागतीचें प्रतीक आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
