भांगरभूंय | प्रतिनिधी
प्रत्येक जाण केन्ना ना केन्ना घोरेताच, पूण केन्ना केन्नाय तें गंभीर शारिरीक समस्याचेंय लक्षण आसूं येता. ‘मेयो क्लिनिका’च्या मतान, स्वास घेतना गळ्यांतल्या सुटसुटीत पेशींतल्यान (ऊतकां) हवा वता आनी ताका लागून त्यो कंपन करतात, तेन्ना घोरेवपाचो आवाज येता. हातूंतल्यान जायत्या तरांचे खरखरीत आवाज भायर येवंक लागतात. अमेरिकेंतल्या न्यूयॉर्क शारांत न्हीद तज्ञ डॉ. डॅनियल बॅरॉन हांच्या मतान, मनशाक न्हीद विकार ना जाल्यार ह्यो चार पद्दती वापरून खरखरप आडावंक मेळटा.
श्वास घेवपाच्यो पट्ट्यो
नांकांतल्यान उस्वासांत येवपी हवेचो प्रवाह सुदारपा खातीर ही ल्हान पट्टी नाकाक जोडटात. खरें म्हणल्यार सामान्य न्हिदेच्या वेळार नांकांतल्यान हवेचो व्हड प्रवाह वता. गळ्यांतल्यान जिबेंतल्यान फुफ्फुसां मेरेन वता. नांकांतल्यान स्वास घेवपाक कसलीच आडखळ आयल्यार हो प्रवाह अडचणींत पडटा आनी ताचो परिणाम गळ्याचेर जाता आनी घोरेवप सुरू जाता.
माउथ गार्ड
हो एक साधो उपाय. गळ्यांतल्या हवेचो प्रवाह सुदारपाक ताचो उपेग करतात. खरें म्हणल्यार जीब आनी गळ्याचीं ऊतकां चड शिथिल जातात, तेन्नाच हवेचो प्रवाह आडखळून घोरेवपाक जाता. माउथ गार्ड सकयल्या जबड्याक मात्सो फुडें व्हरता, जाका लागून वारो वचपाक सोंपें जाता.
उश्यार न्हिदल्यार
फाटीर न्हिदताना गुरुत्वाकर्शण गळ्यांतल्या ऊतकांक सकयल ओडटा, जे स्वासाक आदार दितात, जाका लागून स्वास घेवपाक त्रास जाता. चड हवेचो ऊतकांक धपको बसल्यार घोरेवप जाता. सोफार न्हिदिल्ल्यान ऊतक योग्य स्थितींत दवरता, जाका लागून हवेचो प्रवाह सामान्य जाता.
धूम्रपान, सोरो टाळचो
सोऱ्याक लागून गळ्या लागीं आशिल्लीं ऊतकां (पेशी) चड शिथिल जातात. त्याच वेळार सिगरेट वा हेर धुमशेण केल्यार गळ्या लागीं आशिल्लीं ऊतकां कठीण जावन घोरेवप वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
