भांगरभूंय | प्रतिनिधी
पणजीः रायबंदर फेरी धक्क्या लागसार शुक्रारा सकाळीं एका अनवळख्या मनशाची कूड मेळ्ळी. सकाळीं कामाचेर वचपी थळाव्यांच्या नदरेक ती कूड पडली. उपरांत तांचेनी पुलिशेंत हे विशीं म्हायती दिली.
म्हायती मेळ्ळे उपरांत पुलीस आनी उजो पालोवपी दळाच्या जवानांनी घडणूक सुवातेर धांव मारली. पुलिसांनी घडणुकेचो पंचनामो केलो आनी मरणाचे नेमकें कारण सोदतात. कूड पोस्टमॉर्टमा खातीर जीएमसींत धाडल्या.
सध्या पुलीस मेल्ल्या मनशाची वळख पटोवपाचे काम करतात आनी वाठारांतल्या बेपत्ता जाल्ल्या मनशांची कागाळी आयिल्ल्याची चवकशी करतात. तशेंच पुलिसांनी वाठारांतल्या सीसीटीव्ही फुटेजांची तपासणी करून सोद घेवपाचो यत्न करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
