भांगरभूंय | प्रतिनिधी
वास्को: संरक्षण राज्यमंत्री अजय भट्ट हांणी गोंय शिपयार्डाक भेट दिवन थंयच्या कामकाजाची पळोवणी केली. हे भेटी वेळार तांणी गोंय शिपयार्डाच्या प्रगती संबंदी सादरीकरण केलें. तांकां इ-हावस डिझायन, तांक, उत्पादन प्रोफायल, फुडारांतल्या येवजण्यां विशीं म्हायती दिली.
गोंय शिपयार्डाचे अध्यक्ष आनी वेवस्थेपकी संचालक बी. के. उपाध्याय हांणी गोंय शिपयार्ड तशेंच भारतीय नौदळा खातीर बांदतल्या फ्रिगेट्स बांदणी संबंदी म्हायती दिली. तांकां गोंय शिपयार्डातल्यो मोट्यो मुळाव्यो सुविधा दाखयल्यो. फुडारांत हातांत घेवपाचे आशिल्ल्या विवीध प्रकल्पां खातीर केल्ल्या विस्ताराची म्हायती दिली.
पळोवणी उपरांत अजय भट्ट हांणी गोंय शिपयार्डाच्या चालू आशिल्ल्या प्रकल्पांची आनी यत्नांची तोखणाय केली. फुडारांत संरक्षणा संबंदीच्यो गरजो पुराय करपा खातीर गोंय शिपयार्डान बोटीची गुणवत्ता आनी वेळार वितरण जावपा खातीर केल्ल्या अपग्रेडेशनाची खाशेली तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
