भांगरभूंय | प्रतिनिधी
चेन्नय: आयतारा सकाळीं एअर अरेबियाच्या विमानांतल्यान चेन्नय आंतरराष्ट्रीय विमानतळार देंवतना एका प्रवाश्यान उडी मारून भायर सरलो. शारजाहांतल्यान चेन्नय आयिल्ली ही विमान २३१ प्रवासी आशिल्ली. सकाळीं सुमार ३:२३ वरांचेर ही घडणूक घडली. एअरबस ए३२० मॉडेल जीए ९ ४७१ विमान धांवपट्टींतल्यान टर्मिनला कडेन वचपाचें आशिल्लें. उपरांत पायलटान रोखडेंच विमान थारयलें आनी विमानतळ अधिकार्यांक कळयलें.
उडी मारले उपरांत तो प्रवासी विमानतळाच्या वेवसायीक वाठारा कडेन धांवपाक लागलो आनी ताका लागून कांय काळ बोवाळ निर्माण जालो. पूण रोखडोच ताका सुरक्षा कर्मचार्यांनी धरलो. उडी तो जखमी जालो. ताका उपचारा खातीर व्हेला. आरोपी २९ वर्सां पिरायेचो मोहम्मद शरीफ मोहम्मद नजमुद्दीन अशी वळख करून दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
