भांगरभूंय | प्रतिनिधी
डॉ. शेट्ये : मुळगांवां नव्या रस्त्याचें काम सुरू
दिवचल: दिवचल मतदार संघांतल्या सगळ्या वाठारांनी बरे रस्ते, नेमान उदक तशेंच जायत्यो उदरगत येवजण्यो, मुलभूत आनी पायांभूत सुविधायो, वांगडा साबार येवजण्यो चालीक लावपाक सगळे तरेचे यत्न करतां. दिवचल मतदार संघाची पुरायेन उदरगत करतलों. मुख्यमंत्री डॉ. सावंत हांचें सगळे तरेचें सहकार्य मेळिल्ल्याचें आमदार डॉ. चंद्रकांत शेट्ये हांणी सांगलें.
शिरोडवाडी मुळगांवां नव्या रस्त्याच्या कामाचो शुभारंभ केल्या उपरांत ते उलयताले. ह्या वेळार आदले सरपंच गजानन मांद्रेंकार, सिध्दनाथ कलसांवकार, मधुकर हळर्णकार, मानसी कंवठणकार, सुहासिनी गोवेकार आनी हेर मानेस्त हाजीर आशिल्ले. सुमार पांचशें मिटराच्या ह्या रस्त्याक चाळीस लाख रुपया खर्चून उबारतले. ह्या वेळार थळावे तशेंच भौशीक बांदकाम विभाग अधिकारी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
