भांगरभूंय | प्रतिनिधी
पणजी: कोंकणी साहित्यीक, अनुवादक आनी कोशकार मुकेश थळी हांकां अपूर्व प्रकाशनाचो लक्तुबाय पुरस्कार जाहीर जाला. 50 हजार रूपया, यादस्तीक, शाल, श्रीफळ अशें ह्या पुरस्काराचें स्वरूप आसा. हो पुरस्कार तांकां 31 डिसेंबराक मंगेशी जावपी खासा कार्यावळींत भेटयतले, अशी म्हयती अपूर्व प्रकाशनाचे संजीव वेरेंकार हांणी दिली.
ज्येश्ठ संपादक, समीक्षक डॉ. विद्या प्रभुदेसाय, ज्येश्ठ रंगकर्मी अजीत केरकार, पत्रकार सागर अग्नी आनी समीक्षक प्रा. काशिनाथ नायक हांचे नेमणूक समितीन थळी हांचें नांव एकमतान वेंचून काडलें. बहुआयामी व्यक्तीमत्व, गुणात्मक पांवड्यार सतत मोलादीक साहित्यीक योगदान, 55 कथांचो इंग्लीशींत अणकार, शब्दकोश, विश्वकोश हे संबंदी काम हें सगळें लक्षांत घेवन थळी हांची ह्या पुरस्कारा खातीर नेमणूक जाली. मुकेश थळी हांचीं नाटक, ललीत निबंध अशीं खुबशीं पुस्तकां आसात. ताका विंगड विंगड पुरस्कारूय फावो जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
