भांगरभूंय | प्रतिनिधी
फोंडें: कुर्टी-फोंड्यां मंगळारा रातीं 12.30 वरांच्या सुमाराक सर्व्हीस रोडार ट्रक पार्क करीत आसतना कुशीक आशिल्ल्या देगणांत कोसळ्ळो. ह्या वेळार ट्रक रितो आशिल्ल्यान उदकाच्या वाहिन्यांचेर तो थिराविल्ल्यान दुर्घटना टळ्ळी.
मेळिल्ले म्हायती प्रमाण एमएच 09 एफएल 4961 क्रमांकाचो ट्रक पार्क करीत आसतना काळखांत चालकाचो अदमास चुकलो आनी ट्रक देगणांत कोसळून तिसवाडी म्हालाक उदका पुरवण करपी उदकाचे वाहिनीचेर थिरावलो.
कांय दिसां पयलीं ह्याच वाठारांत एका दुचाकी चालकाक मरण आयले उपरांत राष्ट्रीय म्हामार्गाचे कुशीक वाहनां पार्क करपाक थळाव्यांनी विरोध केल्लो. ताका लागून वाठारांत रस्त्याचे कुशीक अवजड वाहनां पार्क करपाचें बंद केल्लें. पूण मध्यान रातीं वाठारांत येवपी ट्रक चालक सर्व्हीस रोडार वाहनां पार्क करीत आशिल्ल्यान अदीं मदीं अपघात घडत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
