भांगरभूंय | प्रतिनिधी
फोंडें: सिने अभिनेतो मकरंद अनासपुरे हांणी काल (मंगळारा) सकाळीं बेतोड्यां पारवडेश्वर मठांतले सद्गुरू भाऊ महाराज हांची सदिच्छा भेट घेतली. ह्या वेळार अभिनेतो मकरंद अनासपुरे हांचो सद्गुरू भाऊ महाराज हांचे हस्तुकीं भोवमान केलो.
ह्या वेळार उलयतना सद्गुरू भाऊ महाराज हांणी नाम फावंडेशना वतीन खूबशे उपक्रम समाजाच्या उद्धारा खातीर राबयतात. जन सेवा हीच खरी ईश्वर सेवा आसून दरेकान गरीब लोकांक सहकार्य करपा खातीर आपलो वेळ दिवपाची गरज आशिल्ल्याचें सांगलें.
मकरंद अनासपुरे हांणी नाम फावंडेशना वतीन महाराष्ट्रांतल्या खूबशा शेतकारांक मजत केल्या. हेर राज्यांतल्या लोकांक लेगीत मजत करपाक सुरवात केल्या. जल्मा उपरांत मरण हें दरेकाक येतलेंच. जिणेंत बरें कार्य करपा खातीर पयलें प्राधान्य दिवपाची गरज आशिल्ल्याचें अनासपुरेन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
