भांगरभूंय | प्रतिनिधी
गिरीश चोडणकारः नव्या अध्यक्षान घेतली पयली बसका
पणजी : वन टीम, वन व्हिजन : बेटर गोवा इन 2027 हे संंकल्पनेचेर काँग्रेसीचो वावर सुरू उरतलो, अशें नवे अध्यक्ष गिरीश चोडणकार हांंणी सांगलें. विरोधी पक्षांंच्या युती विशीं योग्य वेळार हायकमांंड निर्णय घेतलो, अशें तांणी सांगलें. अध्यक्षपदाचो ताबो घेतले उपरांत गिरीश चोडणकार हांंणी पयली बसका घेतली. येता ते वेंचणुकेंत 21 आमदार जिखून हाडप ह्या हेतान वावर करपाचो सल्लो तांंणी दिलो.
बसकेक उत्तर गोंंय काँग्रेसीचे अध्यक्ष शशांंक नार्वेंकार, दक्षीण गोंंयचे अध्यक्ष असीज नोरोन्हा, कुशावतीचे अध्यक्ष राजेश वेरेंकार, म्हादय जिल्हो समितीचे अध्यक्ष मंंगलदास नायक हाजीर आशिल्ले. पक्ष घटमूट करपा खातीर कार्यावळी तशेंच रोडमॅपाचेर चर्चा जाली.
गिरीश चोडणकार हांची अध्यक्ष म्हूण नेमणूक जाले उपरांत मनीशा उजगांवकार, शर्मिला सिद्दिगी हांंणी राजिनामो दिल्लो आसलो तरी कांय जाणांंची तिडक आतां थंंड जाल्या. हो अंंतर्गत प्रस्न आसा. हायकमांंडान घेतिल्लो निर्णय मान्य करचो पडटा, अशें खासदार विरियातो फर्नांडीस हांंणी सांगलें. आदले प्रदेश अध्यक्ष अमीत पाटकार हांंणी लेगीत हाचे मुखार म्हजो वावर सुरूच उरतलो, अशें तांणी म्हणलें.
डिसेंबरांत जाल्ले जिल्हो पंचायत वेंचणुके पयलींच गोंंयचो प्रदेश अध्यक्ष बदलपाचो निर्णय जाल्लो. गोंंयांंतल्या हेर फुडाऱ्यांंक हाची कल्पना आशिल्ली. बंंगळुरूंत राष्ट्रीय अध्यक्ष मल्लिकार्जून खर्गे हांंचे कडेन हे विशीं चर्चा जाल्ली. आतां हांंव अमीत पाटकार, विरियातो फर्नांडीस हांंचे कडेन बसका घेवन चर्चा करतलों. जर कोण निरशेल्लो आसत, जाल्यार तांंची निरशेवणी पयस करपाक येस येतलें, अशें प्रभारी माणिकराव ठाकरे हांंणी सांंगलें.
जिल्हाे पंंचायत वेंचणुके पयलीं बंंगळुरूंत खूबशा जाणांंनी राष्ट्रीय अध्यक्ष मल्लिकार्जून खर्गे हांंची भेट घेतिल्ली. ह्या वेळार अध्यक्षान जिल्हो पंंचायत वेंचणुके उपरांत अध्यक्षपदांत बदल जातलो, अशें संकेत दिल्ले. ते प्रमाण आतां आदेश जारी जाला. हो हायकमांंडान घेतिल्लो निर्णय आसा. हांंव दोन दिसांंनी गोंंयांत येतलों. विरियातो फर्नांडीस, अमीत पाटकार तशेंच हेरांं कडेन बसका जातली. निर्णय जाहीर करचे पयलीं खासदार विरियाताे फर्नांडीस हांंकां कल्पना दिवंंक ना. मात पक्षांत सगल्यांक ह्या निर्णयाची खबर आशिल्ली, अशें माणिकराव ठाकरे हांंणी सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
