भांगरभूंय | प्रतिनिधी
विश्वजीत राणेः साडे तीन वर्सांत आयले 11,99,724 कॉल्स
पणजी: फाटल्या चार वर्सांत सरकारी अॅम्बुलन्सीन सोऱ्याचे घुंवळेंत रस्त्याचे कुशीक पडिल्ल्या 2,546 सोरो पियल्ल्यांक उबारून उपचारा खातीर विवीध हॉस्पिटलांनी दाखल केल्यात. जाल्यार फाटल्या साडेतीन वर्सांत अॅम्बुलन्सीक 11,99,724 कॉल्स आयिल्ल्याची म्हायती भलायकी मंत्री विश्वजीत राणे हांणी विधानसभेंत लेखी प्रस्नाचे जापेंतल्यान दिली.
आमदार आलेक्स रेजिनाल्ड लॉरेन्स हांणी हे विशींचो अतारांकीत प्रस्न उपस्थीत केल्लो. राज्याच्या भलायकी मळार सद्याचे स्थितींत 50 अॅम्बुलन्सी कार्यरत आसात. ह्या अॅम्बुलन्सींचेर फाटल्या पांच वर्सांत 67.76 कोटी खर्च केल्यात अशें मंत्री राणे हांणी म्हणलें.
मंत्री विश्वजीत राणे हांणी दरेक म्हयन्याक अॅम्बुलन्सी खातीर आयिल्ल्या कॉल्साची जी आंकडेवारी सादर केल्या, तातूंत गोंयांत कोविडाचें ल्हार आयिल्ल्या एप्रील आनी मे 2021 ह्या दोन म्हयन्यांत अॅम्बुलन्सी खातीर आयिल्ल्या कॉल्साची संख्या व्हड प्रमाणांत वाडल्या. एप्रील 2021 त 42,090, जाल्यार मे 2021 त 42,640 कॉल्स आयिल्ल्याचें दिसून येता.
सोरो पियेल्ल्यांक उबारले
पेडणें : 128
बार्देस : 557
दिवचल : 154
तिसवाडी : 349
सत्तरी : 152
फोंडें : 185
साश्ट : 489
मुरगांव : 152
धारबांदोडें : 69
केपें : 202
सांगें : 32
काणकोण : 77
आयिल्ले कॉल्स
एप्रील 2019 ते मार्च 2020 : 3,62,760
एप्रील 2020 ते मार्च 2021 : 3,45,930
एप्रील 2021 ते मार्च 2022 : 3,03,962
एप्रील 2022 ते डिसेंबर 2022 : 1,87,072
वट्ट : 11,99,724
अॅम्बुलन्सी वयलो खर्च (कोटी)
2017-18 : 8.45
2018-19 : 13.02
2019-20 : 13.80
2020-21 : 18.40
2021 ते आतां मेरेन : 14.09
वट्ट : 67.76
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
