भांगरभूंय | प्रतिनिधी
मडगांव ः मायणा-कुडतरी वाठारांत 25 वर्सां पिरायेचे चलयेचेर लैंगीक अत्याचार केल्ल्याचो गुन्यांव मायणा कुडतरी पुलीस स्टेशनांत नोंद जाला. 9 ते 20 जून ह्या काळांत घडिल्ली ही घडणूक. पुलीस ताचो सोद घेतात.
मेळिल्ले म्हायती प्रमाण, मंगळारा वयल्या प्रकरणाची कागाळ दाखल जातकच पुलिसांनी रोखडोच नबासिंग सरकार (26) हांचे आड गुन्यांव नोंद केलो. दुबाविताक अटक करपा खातीर पुलिस ताच्या रावपाच्या जाग्यार गेले तेन्ना तो पळून गेल्ल्याचें दिसून आयलें. पुलिसांनी दुबाविताची चवकशी सुरू केल्या.
दुबावीत नबासिंग हो अस्तंत बंगालचो आसून तो हे चलयेच्या घरा रावपाक आयिल्लो. 9 ते 20 जून मेरेन दुबावितान चलयेक धमकी दिवन तिचेर लैंगीक अत्याचार केलो. तशेंच ही गजाल हेर कोणाकूय सांगल्यार मारपाची धमकी दिल्ली. चलयेन ही घडणूक कुटुंबाक सांगली आनी उपरांत पुलिसां कडेन कागाळ केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
