भांगरभूंय | प्रतिनिधी
फोंडें, प्रतिनिधी: संजीवनी साखर कारखानो बंद करतना ऊस उत्पादकांक विस्वासांत घेवंक ना. उरफाटी इथेनॉल प्रकल्प सुरु करची आस दाखोवन पिश्यांत काडपाचो यत्न केला. फाटल्या म्हयन्यांत इथेनॉल प्रकल्प संबंदी खर धोरण स्पश्ट करपा खातीर सरकाराक मुजत दिल्ली. पूण सरकारान आजूनय स्पश्ट धोरण जाहीर करूंक नाशिल्ल्यान २ जानेवारी सावन कारखान्याचे गेटी सामकार धरणें आंदोलनाक सुरवात करपाची शिटकावणी उस उत्पादक संघटणेचे अध्यक्ष राजेंद्र देसाय हांणी शुक्रारा बसके उपरांत दिली.
उस उत्पादकांक इथेनॉल प्रकल्प सुरु जातलो काय ना ह्या प्रस्नाची जाप दिवपाची मागणी केल्ली. इथेनॉल प्रकल्प सुरु करपा खातीर सरकारान सुविधा समितीची नियुक्ती केल्ली. पूण सगळे अहवाल तशेंच प्रकल्प सुरू करपाक कंपनी तयार आसा. पूण सरकार मात आजूनय धोरण स्पश्ट करपाक फुडें येना. फाटल्या कांय वर्सां सावन उस उत्पादकांक विवीध मागण्यां खातीर आंदोलन करचें पडटा. ऊसाची लागवड जावप सामकें गरजेचें. ताका लागून खुबश्या कुटुंबांचीं पोटां चलतात. सरकार स्पश्ट धोरण जाहीर करीनाशिल्ल्यान ऊस उत्पादकांनी २ जानेवारी सावन कारखान्या मुखार धरणें आंदोलन सुरू करपाचो निर्णय घेतला अशें राजेंद्र देसाय हांणी सांगलें.
शुक्रारा सकाळीं ऊस उत्पादक संघटणेची बसका कारखान्याच्या सभाघरांत जाली. तेन्ना राजेंद्र देसाय, उपाध्यक्ष हर्षद प्रभूदेसाय आनी हेर पदाधिकारी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
