हणजूणें ड्रग्ज प्रकरणांत पुरवणदाराक अटक

भांगरभूंय | प्रतिनिधी

म्हापशें: हणजूण पुलिसांनी ड्रग्ज विरोधी कारवाये खाला अटक केल्ल्या लिलेश कश्यप (24, मध्य प्रदेश) हाका ड्रग्जाची पुरवण करपाक दुबावीत निलेश अरविंद पाटील (32, रा. हडफडें) हाका अटक केल्या.

पुलिसांनी फाटले 30 वेर दनपारां हणजूण्यां डिप्स ऑन ब्लू प्रिमियन हॉस्टेला कुशीक दुबावीत कश्यप हो ड्रग्जाची विक्री करपा खातीर आयिल्लो तेन्ना ताका पुलिसांनी अटक केल्ली. ताचे कडल्यान 70 हजारांचो 0.7 ग्राम एलएसडी पेपर्स हो ड्रग्ज जप्त केल्लो.

हो ड्रग्ज आपल्याक दुबावीत निलेश पाटील हाणें विकपा खातीर दिल्लो अशी म्हायती दुबावीत लिलेश कश्यप हाणें पुलीस चवकशे वेळार उक्ती केल्ली. ते प्रमाण पुलिसांनी दुबावीत पाटील हाका शुक्रारा सकाळीं धरून घुंवळे वखदां प्रतिबंधक कायद्या खाला अटक केली. फुडलो तापस पुलीस उपनिरिक्षक तेजेशकुमार नायक करतात.