भांगरभूंय | प्रतिनिधी
ऑनलायन फटवणूक प्रकरणां नेटान वाडतूच आसा. सायबर चोर दर दिसा लोकांक फटोवपाचे नवे मार्ग सोदतात. ते खातीर सायबर चोर स्पॅम संदेशांचो फायदो घेतात. फाटल्या कांय दिसांनी तुमकां स्पॅम मॅसेजी आयल्या जाल्यार तुमी जतनाय घेवची. ना तर फुडल्या कांय दिसांनी तुमचें खातें खाली जावपाची शक्यताय आसा.
आमी तुमकां स्पॅम मॅसेजी कश्यो येवपा पसून आडावच्यो हें सांगतलीं. हे खातीर तुमकां तुमच्या डिव्हायस सेटिंग्जांत कांय ल्हान ल्हान बदल करचे पडटले. ताचे उपरांत तुमकां चुकून लेगीत स्पॅम मॅसेजी मेळच्यो ना. तुमचें बँक खातें पुरायपणान सुरक्षीत आसतलें.
तुमकां स्पॅम मॅसेजींतल्यान सुटका जाय? जाल्यार, मागीर तुमकां Google संदेश अॅप्लिकेशनांत स्पॅम संरक्षण विशिश्ट्य सक्रीय करचें पडटलें. ते उपरांत तुमकां स्पॅम संदेश मेळचे नात. हें विशिश्ट्य सक्रीय केल्यार तुमचें डिव्हायस पुरायपणान सुरक्षीत जातलें आनी तुमचो बँकींग तपशील लीक जावचो ना.
स्पॅम प्रोटेक्शन चालू करपाक कितें करचें?
-तुमच्या Android स्मार्टफोनार, Google Messages अॅप उघडा.
-वयर उजवे वाटेन तुमच्या प्रोफायल फोटोर टॅप करात.
गुगल मेसेज अॅप कशें काम करता?
Google स्पॅम मेसेज ब्लॉक करपा खातीर AI मॉडेल वापरता. जातूंत ते मेसेजीचो नियाळ करता, नंबर सेंटर आनी हेर म्हत्वाच्यो गजाली जाणून घेवन स्पॅम मेसेज वळखता. एकदां स्पॅम मेसेज वळखल्या उपरांत Google स्पॅम फिल्टर वैशिश्ट्य सक्रीय करून आनी स्पॅम मेसेज अवरोधीत करता. ताका लागून तुमच्या डिव्हायसाचेर येवपी स्पॅम मेसेज आडावप शक्य जाता. तुमकांय हीं सेटिंगां तुमच्या मोबायलाचेर घालपाचीं आसा जाल्यार वयर दिल्ले स्टेप्स फॉलो करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
