भांगरभूंय | प्रतिनिधी
दिवचल, प्रतिनिधी : विठ्ठलापूर सांखळेच्या श्री देव तोणयेश्वर पेडा लागसारचे व्हाळवाट न्हंयेंत न्हांवपा खातीर देंविल्ल्या एका तरणाट्याक बुडून मरण आयलें. ताचें नांव व्यंकटेश्वर बसवराज नागप्पा कायकर ( २७, रावपी विठ्ठलापूर, मूळ दावणगिरी कर्नाटक) अशें आसा.
न्हंयचे देगेर जोतें आनी कपडे दवरून तो न्हांवपा खातीर देंविल्लो. न्हातना तो उदकांत बुडलो.
दिवचल उजो पालोवपी दळाच्या जवानांनी ताची कूड उदका भायर काडली. ही घडणूक २५ डिसेंबराक घडली. व्यंकटेश्वर हाचे कपडे आनी जोतें न्हंयचे देगेर आशिल्ल्यान ताका बुडून मरण आयिल्ल्याचो दुबाव आसा.
हे विशींची म्हायती दिवचल पुलीस आनी उजो पालोवपी दळाक दिली.
दिवचल उपनिरीक्षक विराज धावस्कार हांणी व्यंकटेश्वर हाची कूड ताब्यांत घेवन पंचनामो केलो. ताची कूड गोमेकोंत पोस्टमार्टमा खातीर धाडल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
