भांगरभूंय | प्रतिनिधी
फोंडें: मदलोवाडो सांकोड्ड्यां सोनबा देसाय हांचे बागायतींत सोमारा सकाळीं जखमी अवस्थेंत एक गवो दिसून आयलो. हे संबंदीची म्हायती रान खात्याक दिले उपरांत अधिकाऱ्यांनी घडणूक थळार धांव घेवन गव्याचेर दोतोरां कडल्यान उपचार सुरू केले.
सांकड्डें वाठारांत फाटल्या कांय दिसां सावन गव्यांचो संचार वाडला. फाटल्या 10 दिसा सावन गवो मदलोवाडो वाठारांतल्या लोकांचे बागायतीचें लुकसाण करीत आशिल्लो. सोमारा सकाळीं सोनबा देसाय हांचे बागायतींत दाखल जाल्लो गवो अचकीत जमनीर कोसळ्ळो.
हे संबंदीची म्हायती रान खात्याच्या अधिकाऱ्यांक दिली. दोतोरांनी पळोवणी करून गव्याचेर उपचार सुरू केले. शुद्धीर आयले उपरांत गवो रानांत पळून वतलो असो दुबाव रान खात्याचे अधिकारी उक्तायतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
