भांगरभूंय | प्रतिनिधी
पणजी: श्रीमती सुशीला त्रिविक्रम भट स्मरणार्थ कोंकणी पुरस्कार 2022 फावो जाल्ल्या मानेस्तांचीं नांवां जाहीर केली. आर. एस. भास्कर हांच्या ‘चैत्र’ कविता झेल्याक हो पुरस्कार फावो जालो. जाल्यार कोंकणी सेवा पुरस्कार नम्रता पी. किणी, कथा रचना पुरस्कार वसन्तकुमारी पी एस, कविता रचणूक पुरस्कार विजयकुमार एन. पै हांकां फावो जालो.
हे पुरस्कार 25 डिसेंबराक कोच्चीच्या कोंकणी भाषा प्रचार सभाघरांत जावपी कोंकणी दीस कार्यावळीक भेटयतले. कोंकणी दीस कार्यावळ सांजेच्या 3 ते 4.30 वरां मेरेन जातली.उपरांत सांजेच्या 5 वरांचेर हे पुरस्कार भेटयतले.
हे कार्यावळीच्या अध्यक्ष सुवातेर कोंकणी केंद्र – गोश्रीपूर, कोंकणी भाषा प्रचार सभेचे अध्यक्ष डॉ. के. अनंत भट हाजीर आसतले. तशेंच कार्यावळीचें उक्तावण सुकृतीन्द्र प्राच्यविद्या शोध संस्थान, कूतापाडी, तम्मनम, कोच्चीचे अध्यक्ष डॉ. वी. नित्यानन्द भट हांचे हस्तुकीं जातलें. मुखेल सोयरे म्हणून अखील भारतीय कोंकणी साहित्य संमेलनाचे पूर्व अध्यक्ष आर एस भास्कर हाजीर रावतले.
सगळ्यांनी हे कार्यावळीक हाजीर रावपाचो उलो आयोजकांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
